(Matî 16,15-20 Mèrc 8,29-30 Lócca 9,20-21)
“E té, chi dît che mé a séppa?” Tu m’è dmandè
e a ste dmanda mé a sån avanzè żlè.
Che arspòsta pôlal dèr pròpi da bån
ón ch’al cràdd prémma d ónna int la raṡån?
An savêva cs’arspånnder, an savêva csa dîr
e po’ a m’é suvgnó quall ch’a t’é tuchè ed padîr.
E tótt int ‘na vôlta, int un mumänt,
chi t î l’é stè dimónndi cèr int la mî mänt.
Té t î cla vciàtta istrièna ch’am baṡé la man
parché a i dé dû bajûc par cunprèr dal pan.
T î cla vàddva con trî fiû str’al brâza,
ch’an avé brîṡa al curâg’ ed guardèr in fâza.
T î cal żåuven sänza ganb, ch’al m’é vgnó avṡén
spinżänd a fôrza ed brâza un cariulén
e in cal mänter ch’a i ṡlunghèva i bajûc par l’aduziån
am tarmèven tótti el man par l’emoziån.
T î cal cínno sänza pèder (Dio, che tristazza!);
ai ó ancåura int al ganâs la sô carazza.
T î chi méll e méll ragâz ch’i én såtta tèra,
mûrt par cåulpa ed chi ṡgraziê ch’i an vló cla guèra.
Quásst té t î e am pèr d’an èser brîṡa in eråur;
e che mé a cràdda che t séppa o nå al Sgnåur
a päns ch’l èva par té pôca inpurtanza
parché… l é quall che ón l à int al côr, ch’al fa la difaränza
– LUIGI MENGOLI
E TU, CHI DICI CHE IO SIA?
(Matteo 16,15-20 Marco 8,29-30 Luca 9,20-21)
“E tu, chi dici che io sia?” Mi hai chiesto
e a questa domanda sono rimasto di ghiaccio.
Che risposta può dare sul serio
uno che crede prima di tutto nella ragione?
Non sapevo cosa rispondere, non sapevo cosa dire
poi mi sono ricordato di quello che ti è toccato patire.
E tutto in una volta, in un momento,
chi sei è stato molto chiaro nella mia mente.
Tu sei quella vecchietta istriana che mi baciò la mano
perché gli diedi due soldi per comprare del pane.
Sei quella vedova con tre figli in braccio,
che non ebbi il coraggio di guardare in faccia.
Sei quel giovane senza gambe che mi è venuto vicino
spingendo a forza di braccia un carrettino,
e mentre gli davo i soldi per l’adozione
mi tremavano tutte le mani per l’emozione.
Sei quel bimbo senza padre (Dio, che tristezza!);
ho ancora sulle guance la sua carezza.
Sei quei mille e mille ragazzi che sono sotto terra,
morti per colpa di quei disgraziati che hanno voluto quella guerra.
Questo tu sei, e mi sembra di non sbagliare;
e che io creda che tu sia o no il Signore
penso che abbia per te poca importanza
perché è quello che uno ha in cuore, che fa la differenza.